Ákim tapsyrmasy: Almaty polıtsııasy Seıfýllın dańǵylynda arnaıy reıd júrgizdi
ALMATY. QazAqparat - Ótken túni Almaty qalasy ákiminiń tapsyrmasy boıynsha Seıfýllın dańǵyly boıynda ıntımdik qyzmet usynatyn qyzdardy anyqtaý úshin polıtseıler arnaıy reıd júrgizdi, dep habarlaıdy QazAqparat tilshisi.
Bul tapsyrmany oryndaýǵa aýdandyq polıtsııa ınspektorlary men mobıldi polıtsııa ýchaskeleri tartyldy. Ótken túnde Seıfýllın dańǵyly boıynda 130 adam ustaldy, onyń ishinde 53 áıel bar. Olar jezókshelikpen aınalysyp, kórsetken qyzmetteri úshin aqsha alyp kelgen. Páterdi jalǵa beretin 13 adam jáne jeńil júristi qyzdardy dittegen jerine jetkizip otyrǵan 5 júrgizýshi bar.
«58 adam ákimshilik jaýapkershilikke tartyldy. Onyń 23-i - jezókshelikpen aınalysatyn qyz-kelinshekter. Naqtyraq aıtqanda, 14 adam - ıntımdik qyzmet týraly aqparat taratqany úshin, 5-i - tártipsizdik, 11-i - qoǵamdyq orynda spırttik ishimdikter ishken, 19-y - qalanyń abattandyrý erejelerin buzǵany úshin, 9-y QR kóshi-qon zańyna qaıshy áreketteri úshin jazalandy», - dedi Almaty qalalyq polıtsııa basqarmasy bastyǵynyń orynbasary Іzbasar Bekturov.
Budan bólek,jeńil júristi qyzdar baratyn qonaq úı anyqtaldy. Onyń ıesi jezókshelikpen aınalysatyndarǵa jatyn oryndardy usynyp otyrǵan. Salynǵan aıyppuldyń jalpy somasy - 315 myń 625 teńge.
Qylmystyq polıtsııa basqarmasynyń málimetinshe, jyl basynan beri Almatyda adam saýdasy boıynsha 13 qylmys ashylǵan. Atap aıtqanda, jezókshelikpen aınalysýdy uıymdastyrý jáne qamtamasyz etýdiń 8 faktisi (QR QK 309-baby), jezókshelikpen aınalysýǵa tartýdyń 3 faktisi (QR QK 308-baby), kámeletke tolmaǵan adam saýdasynyń 1 faktisi (QR QK 135-baby) jáne adam saýdasy boıynsha 1 fakti (QR QK 128).
