Ákim soqqyǵa jyqqan bala aýrýhanadan shyqty
ASTANA. QazAqparat - Qorǵaljyn aýyldyq okrýginiń ákimi Janat Omarov soqty dep aıtylǵan mektep oqýshysy aýrýhanadan shyqty, dep habarlaıdy «QazAqparat» HAA tilshisi.
Ol Astanadaǵy №2 qalalyq aýrýhanadan 3 naýryz kúni shyǵarylǵan. Bul týraly medıtsına mekemesiniń baspasóz qyzmeti habarlady.
Esterińizge sala keteıik, Qorǵaljyn aýyldyq okrýginiń ákimi Janat Omarov mektep oqýshysyn soqqyǵa jyǵyp, jasóspirimniń mıy shaıqalyp, aýrýhanaǵa túsýine sebepshi boldy degen kúdikke ilingen. Oqıǵa qoǵamda úlken rezonans týdyrǵan bolatyn. Balany anasynyń aıtýynsha, Dıas óziniń inisin renjitken ákimniń balasymen tájikelesip qalǵan. Osy sátte ákimniń ózi kelip Dıasty soqqyǵa jyqqan.
Qazir atalmysh máselege qatysty tergeý jumystary júrgizilip jatyr. Al Janat Omarov bolsa jasóspirimdi teppegenin aıtyp aqtalǵan.
