Ákim saılaýynda qaı óńirdiń baqylaýshylary belsendi boldy

NUR-SULTAN. QazAqparat – QR Prezıdent Ákimshiligi Basshysynyń orynbasary Málik Myrzalın ákimder saılaýynda baqylaýshylar belsendi qatysqan óńirdi atady, dep habarlaıdy QazAqparat tilshisi.

«Árıne, baqylaýshylar daýys berý barysynan bastap daýys sanaý kezeńine deıin baqylaý júrgizdi. Almaty oblysynyń Talǵar qalasyndaǵy saılaý qyzyqty ótti. 57 baıqaýshy men 43 senimdi tulǵa qatysty. ıAǵnı, 110 adam baqylaý júrgizgen», - dedi Málik Myrzalın «Habar 24» telearnasyna bergen suhbatynda.

Suhbat kezinde ol ákim saılaýyna saıası partııalardyń qanshalyqty belsedi qatysqany týraly pikir bildirdi.

Aıtýynsha, saılanǵan 864 ákimniń 77,7%-y nemese 671 adam – Nur Otan-nyń ókili. «Aýyl» partııasynan 3,8% ıaǵnı 33 adam ákim atansa, «Adal» partııasynan 1,7%, ıaǵnı 15 ákim, «Aqjol» partııasynan 1,4% nemese 12 adam, Qazaqstan halyq partııasynan 1,3% nemese 11 adam jáne JSDP-dan 0,1%, ıaǵnı 1 adam saılanǵan.