Ákim saılaýy: Úgit-nasıhat shyǵyndary halyq sanyna qaraı tólenbek

NUR-SULTAN. QazAqparat – Aýyl ákimderinen úmitkerdiń saılaýdaǵy úgit-nasıthat shyǵyn qaıta qaraý qajet. QR Prezıdenti Ákimshiligi Basshysynyń orynbasary Málik Myrzalın «Habar 24» telearnasyna bergen suhbatynda osyndaı pikir bildirdi, dep habarlaıdy QazAqparat tilshisi.

«Qoldanystaǵy zańnama boıynsha úgit-nasıhatqa 10 kún bólingen. Soltústik aımaqtarda bul jetkilikti shyǵar. Aýyldyq okrýgterdiń halqy 20-50 myń adamǵa jetetin ońtústik aımaqtarda bul jetkiliksiz. Jambyl oblysyndaǵy Qordaı aýyldyq okrýginde 35 myń adam turady. Baǵana aıtqan Talǵar qalasynda 50 myńnan astam adam turady. Munsha halyqtyń arasynda úgit-nasıhat júrgizý úshin kóp ýaqyt qajet», - dedi Málik Myrzalın.

Onyń aıtýynsha, atalǵan problemany sheshý úshin saralanǵan qarjylandyrý júıesin engizý josparlanyp otyr.

«Qarjylandyrýǵa keletin bolsaq, ár úmitkerge úgit-nasıhat jumystaryna dep 200 myń teńge qarastyrylǵan. Taǵy da aıtaıyn, soltústikte bul soma jetkilikti shyǵar. Ońtústikte halyqtyń tyǵyz qonystanǵany eskersek, bul jetkiliksiz. Sondyqtan qazir okrýg halqynyń sanyna baılanysty saralanǵan qarjylandyrý engizý máselesi qarastyrylyp jatyr», - dep túsindirdi Prezıdent Ákimshiligi Basshysynyń orynbasary.