Ákim saılaýy: Almaty oblysynda 16 úmitker saıası básekeden shet qaldy
Búgingi tańda úmitkerlerdiń usynymyn qabyldaý aıaqtaldy. Aldaǵy kezekte úgit-nasıhat jumystary men ákimderdi saılaý isi tur.
279 tulǵa usynym jiberip úlgergen. Onyń ishinde 93-i - saıası partııa ókilderi bolsa, 186 azamat aýyldyq okrýgti basqarýǵa qaýqarlymyn dep ózin-ózi usynǵan.
Aıta ketý kerek, Aqsý, Alakól, Kegen, Kerbulaq, Panfılov aýdandaryna qarasty aýyldyq okrýgterine ákim bolyp saılanamyn deýshiler ózin-ózi usynǵan.
Kandıdattar arasynan 243-i talapqa saı kelse, 16 tulǵa saıası básekeden shet qaldy.
Aýyldyq okrýgti basqarýǵa baǵyn synap jatqandardyń ishindegi eń jasy Jantas Amangeldiuly. Jasy 25-te. Alakól aýdanynyń Terekti aýyldyq okrýgin basqarmaqqa óz kandıdatýrasyn usynǵandardyń biri.
Eńbekshiqazaq aýdanyna qarasty, Baltabaı aýyldyq okrýginiń tizgigin ustamaqqa usynym bergen Juman Myqtybaev - úmitkerlerdiń ishindegi eń úlkeni. Onyń jasy 62-de.
«154 úmitker jumys istep júrgen memlekettik qyzmetshiler bolyp tabylady. Onyń ishinde 35 úmitker qaıta saılaný arqyly daýysqa salynady. Ortasha báseke – 3,9 adam. Barlyq okrýgte úmitkerlerdiń sany 3-ten kóp. Eń kóp úmitker tirkelgen aımaq - Іle aýdany Chapaev aýyldyq okrýgi. Mundaǵy kandıdattardyń sany - 9»,-deıdi Almaty oblystyq saılaý komıssııasynyń múshesi Qaharman Jaqsylyq.