«Ákim keldi dep joldy bógedi»: Abaı oblysynyń basshylyǵy jurt shaǵymyna jaýap berdi

SEMEI. QazAqparat – Abaı oblysynyń ákimdigi áleýmettik jelidegi shaǵymǵa qatysty jaýap berdi, dep habarlaıdy QazAqparat tilshisi.

11 qyrkúıekte áleýmettik jelide Abaı oblysynyń ákimi Nurlan Uranhaev Semeı qalasyndaǵy №1 emhanaǵa jumys barysymen barǵan kezde emhana qyzmetkerleri turǵyndardyń jolyn bógep, kólikterin avtoturaqqa kirgizbeı qoıǵany týraly shaǵym tarady.

Ákimdik tarapynan emhanaǵa kelýshilerdi avtoturaq aýmaǵyna kirgizýge tyıym salý týraly eshqandaı nusqaý berilgen joq. Memlekettik organ qyzmetkerleriniń salalyq mekemelerge barýynyń basty maqsaty – olardyń halyqqa kórsetetin qyzmetiniń sapasyn jáne ǵımarattardyń jaı-kúıin tekserý. Qazirgi tańda oqıǵanyń mán-jaıyn anyqtaý úshin tekserý jumystary júrgizilip jatyr, - dep habarlady óńir ákimdiginiń baspasóz qyzmetinen.

Eske salsaq, keshe Nurlan Uranhaev Semeıdegi emhana jumysymen tanysyp qaıtqan edi.