Ákim: Halyq sanaǵy Almatynyń áleýmettik jáne ınfraqurylymdyq damýy úshin mańyzdy
«Almaty» telearnasyndaǵy Akimat LIVE baǵdarlamasynyń tikeleı efırinde turǵyndardyń suraqtaryna jaýap bergen qala ákimi halyq sanaǵy turaqty damýǵa umtylǵan barlyq órkenıetti memlekette 10 jylda bir ret ótkiziletinin tilge tıek etti.
«Sanaq saýalnamasyna eldiń árbir turǵynynyń áleýmettik damýyn kórsetetin kóptegen máseleler engizilgen. Jınalǵan kórsetkishter negizinde memleket halyqtyń sandyq quramyn ǵana emes, «sapalyq» quramyn da aıqyndaıdy, qandaı da bir aýdannyń, qalanyń ınfraqurylymyn damytýdy boljaıdy jáne josparlaıdy»,-deıdi qala basshysy.
Baqytjan Saǵyntaev qala turǵyndarynan sanaq naýqanyna járdemdesýdi ótindi, óıtkeni megapolıstiń odan ári damýy osy sanaq nátıjesine tikeleı baılanysty.
Eske salsaq, 2021 jylǵy sanaq eki formatta júrgiziledi. Birinshisi - onlaın 15 qazanda aıaqtaldy.
Ekinshi kezeń - úı aralaý 1-30 qazan aralyǵynda jalǵasady.
Almatydaǵy árbir ıntervıýerge 833 turǵyn bekitilgen, olar suraq qoıatyn bolady. Ár suhbat berýshiniń planshetine tek onyń ýchaskesi enedi, ol basqa saıtqa kire almaıdy.
Eger ıntervıýer úı turǵyndaryn tappasa, onda ol mindetti túrde olarǵa telefon nómirin qaldyrady, onda osy otbasynyń sanaǵyn ótkizý úshin atalǵan mekenjaıǵa qaıta baratyny ári qolaıly ýaqytty kelisý jóninde habarlama jiberiledi.
