Ákim Býrabaıda ótetin velojarysqa qatysady
KÓKShETAÝ. QazAqparat - Aqmola oblysynyń əkimi Məlik Myrzalın óńir turǵyndary men qonaqtaryn 30 səýir Şýche-Býrabaı kýrorty aımaǵynda ótetin «VeloBurabay-2018» velojarysyna qatysýǵa shaqyrdy, dep habarlaıdy QazAqparat tilshisi.
«Býrabaıda ótetin erteńgi jarysqa jattyǵyp jatyrmyn. Velosıpedpen 25 shaqyrymdy júrip óttim. Barshańyzdy osy velojarysqa shaqyramyn», -dep jazdy aımaq basshysy óziniń Feısbýk paraqshasynda.
Sonymen qatar, Aqmola oblysy ákiminiń baspasóz qyzmetiniń habarlamasynda velomaýsymnyń ashylýy jəne Astana qalasynyń 20 jyldyǵyna arnalǵan atalǵan sport sharasyna 200-den astam adam qatysatyny aıtylǵan.
«Velojarys salaýatty ómir saltyn nasıhattaýdy, sondaı-aq, Şýche-Býrabaı kýrorty aımaǵynyń tanymaldaǵyn arttyrýdy kózdeıdi», - delingen habarlamada.
Aıta ketý kerek, «BurabayLand» velojarys 30 səýirde saǵat 10:15 «Býrabaı» aýmaǵynda ótedi. Oǵan kez-kelgen adam qatysa alady. Qatysýshylar 28 shaqyrym joldy júrip ótpek.
