Ákim bolǵan bir jarym jylda Býrabaıda bir-aq ret demaldym - Məlik Myrzalın

ASTANA. QazAqparat - Aqmola oblysynyń ákimi M.Myrzalın otbasymen demalý úshin Býrabaıǵa bir jarym jyldyń ishinde bir-aq ret kelgenin aıtty, dep habarlaıdy QazAqparat tilshisi.

«Býrabaıǵa jumys babymen mindetti túrde aptasyna bir ret kelemin. Tipti BAQ meniń osynda jıi keletinimdi de jazyp júr. Biraq oblys əkimi bolǵan bir jarym jyldyń ishinde otbasymmen bir ret qana demalýǵa keldim. Ústimizdegi jyly 2 qańtarda Býrabaıdaǵy Laplandııada otbasy, bala-shaǵammen birge demaldym», - dedi Málik Myrzalın.

Sonymen qatar, oblys ákimi qyzmet kórsetý sapasynyń kóńilinen shyqpaıtynyn tilge tıek etip, bul baǵytta áli kóp jumys isteý kerektigin aıtty. Eske sala keteıik, Aqmola oblysynyń əkimi M.Myrzalın Býrabaıda demalýdyń Túrkııaǵa qaraǵanda nege qymbat ekenine túsinikteme bergen bolatyn.