Ákim banktiń qara tizimine engen turǵynǵa kómektesýge ýáde berdi - Almaty oblysy
TALDYQORǴAN.QazAqparat - Almaty oblysynyń ákimi Amandyq Batalovqa óńir turǵyny jazbasha túrde hat joldap, kómek surady, dep habarlaıdy QazAqparat tilshisi.
Aty-jóni atalmaǵan azamattyń sózinshe, ol bankten nesıe alǵan. Alaıda ol qazir banktiń qara tizimine enip, tosqaýyldar kóbeıgen.
«Men banktiń qara tizimine endim. Qazir jumysyma bul jaıt kedergi keltirýde. Amandyq Ǵabbasuly Sizden osy máseleni sheship berýdi suraımyn», delingen hatty oblys basshysy halyq aldynda oqyp, jaýapty mamandarǵa máseleni sheshý jóninde tapsyrma berdi.
Sondaı-aq taǵy bir turǵyn jazbasha joldaǵan hatynda kómir máselesin kóterdi.
«21 ǵasyrda kómirdi qappen alýǵa májbúrmiz. Bul ne degen sumdyq. Barlyq jaýapty mamandar jazalansyn. Olardy jumystan shyǵarý kerek», delingen hatta.
Alaıda oblys basshysy mundaı pikirmen kelispeıtinin aıtty. Onyń sózinshe, jaýapty mamandar tıisinshe jumys isteýde jáne qatty otyn máselesi qatań baqylaýda. Jáne oblys boıynsha kópqabatty turǵyn úılerde qubyrlardyń qatyp qalý jaǵdaıy tirkelmegen.
Aıta ketý kerek, Taldyqorǵanda Almaty oblysynyń ákimi Amandyq Batalovtyń halyq aldyndaǵy esebi ótýde.
