Ákim bankterdiń jumystaryn synǵa aldy
QARAǴANDY. QazAqparat - Qaraǵandy oblysynyń ákimi Erlan Qoshanov bankterdi jappaı kásipkerlik baǵdarlamasy boıynsha shaǵyn nesıe berý salasyndaǵy nátıjesiz jumystary úshin synǵan aldy. Bul týraly QazAqparat ákimniń saıtyna silteme jasap habarlaıdy.
Onyń pikirinshe, bankter memlekettik baǵdarlama boıynsha nesıe bergileri kelmeıdi, sebebi olar ishki banktik ónimder úshin aıtarlyqtaı básekelestik qurady.
Aımaq basshysy bank ókilderimen jınalys ótkizdi, onda tıimdi jumyspen qamtý jáne jappaı kásipkerlik baǵdarlamasynyń júzege asyrylýy talqylandy.
Jınalysqa qatysýshylar oqyǵan baıandamalar aımaq basshysynyń ashýyn shaqyrdy: jalpy eseptegende bankter bıylǵy jyly bólingen qarajattyń tek 17% ıgergen. Nebári 159 mln teńgege 13 ótinim maquldanǵan. Baǵdarlamaǵa qatysatyn bes banktiń birde bireýinde qarajatty ıgerý naqty kórsetkishi 30%-dan aspaıdy, ár bank jylyna 3-4 ótinimdi ǵana quptaǵan. Al «Halyq bankiniń» Temirtaýlyq fılıaly bıylǵy jyly memlekettik baǵdarlama boıynsha nesıe berýden tipti bas tartqan, ondaı áreketterin ótken jyly bólingen somany ıgerý qıynǵa soqqanyn, jánede ıgerilmegen qarajat úshin bankter aıyppul tóleıtinderin aıtyp túsindirgen.
Bolyp jatqan jaǵdaıdyń sebepterin oblys ákiminiń orynbasary Almas Aıdarov túsindirdi. Onyń aıtýynsha, bankterge baǵdarlamaǵa qatysý tıimdi emes, sebebi onyń sharttary boıynsha nesıeler nebary 6% jyldyq mólsherlememen beriledi. Al óz baǵdarlamalary boıynsha bankter qarajatty 15-18%-ben jáne anaǵurlym qatań sharttarmen beredi.
«Qazir sizge taǵy bir jaıtty oqyp beremin: mine, mynaý Halyq bankiniń Jezqazǵan aımaqtyq fılıalynyń ShJB boıynsha dırektor orynbasary Marlen Jumaǵulovtyń qoly qoılyǵan 18-shi tamyzda jiberilgen haty. Munda Qarajal-Jáırem aýdanynan kelgen nesıe alýshynyń kepildik jyljymaıtyn múlik qabyrǵalarynyń materıaly ótimdi emes bolǵandyqtan onyń nesıege ótinishi qanaǵattandyrylmaǵany týraly jazylǵan. Osylaısha, bul aýdanda birde bir jyljymaıtyn múlik ótimdi emes. Ol jaıly sandar aıtyp tur: osy aýdannyń kásipkerleri bergen 23 ótinimderdiń birde biri oń jaýap alǵan joq. 23 ótinim - mundaı aýdan úshin óte úlken san», - dep málimdedi Almas Aıdarov.
Bankırlerdiń ózderi bolsa, baǵdarlamanyń nátıjeli júzege asyrylmaýynda olardyń kinási joq deıdi. Bıylǵy jyly jappaı kásipkerlik baǵdarlamasynyń sharttary ózgergen. Endi tıimdi sharttarmen nesıe alý tek óz bıznesin 3-4 jyl buryn bastaǵan startaperler úshin ǵana qoljetimdi. Sáıkesinshe, mundaı kásipkerlerde kóbinese banktiń nesıelik saıasatyna saı keletin kiristeri jáne kepildik múlikteri týraly rastalǵan málimetter bolmaıdy. Al óz moınyna úlken qaýip alýǵa bankter bara almaıdy.
«Qarajal-Jáırem aýdanyna keler bolsaq, jańaǵy aıtylǵan hat barlyǵyna birdeı teris jaýap keledi degendi bildirmeıdi. Biz kepildik múligi joq jas kásipkerlerge nesıe berý úshin «Damý» qorynan kepildeme alý boıynsha jumystar jasap jatyrmyz. Qordyń kepildemesi bar bir ótinish boıynsha biz nesıe berdik», - dep túsindirdi «Halyq bankiniń» Jezqazǵan aımaqtyq fılıalynyń ShJB boıynsha dırektor orynbasary Marlen Jumaǵulov.
Buǵan ákim óziniń pikirin bildirdi.
«Bul hattqa siz óz qolyńyzben qol qoıdyńyz! Munda naqty jazylǵan zattardyń máni basqasha dep qalaı aıta alasyz? Bul Elbasynyń tapsyrmasy, bankter úshin ol qandaı da bir mańyzǵa ıe bolýy kerek emes pe! Bir aıdan soń dál osy jınalǵandardyń basyn taǵy qosamyn. Sizderdiń baıandamalaryńyzdy tyńdaımyn. Al myna hatty Elbasyna jetkizemin. Menińshe, másele tek Qarajal men Jáıremge ǵana emes, basqa da shalǵaıdaǵy eldi mekenderge de qatysty», - dedi Erlan Qoshanov.
Shaǵyn nesıeleý baǵdarlamasyn damytý máselesi qanshalyqty ózekti ekenin óz kózimen kórý úshin jaqyn arada aımaq basshysy Qarajalǵa baryp qaıtýdy josparlap otyr. Ol jerde oblys ákimi jergilikti kásipkerlermen, bank jáne «Damý» qorynyń ókilderimen kezdesý ótkizbek.
