Ákim astanalyqtardy qoqysty suryptap úırenýge shaqyrdy
ASTANA. QazAqparat - Búgin qala halqynyń aldynda esep bergen Astana ákimi Baqyt Sultanov elordaǵa gaz bıyl jetkiziletindigin aıtty, dep habarlaıdy QazAqparat tilshisi.
«Qalalyqtar úshin qorshaǵan ortany qorǵaýda adamdar jaıaý kóp, kólikpen az júrýi, adamdar jerdi ǵana emes aýany az lastaýy úshin eki basymdyq bar. Jyldyń sońyna deıin Kóktal-1, 2-ge, Ońtústik Shyǵysqa jáne Jeleznodorjnyı eldi mekenine gaz jetkizýge tyrysamyz. Іs júzinde bul zııandy shyǵaryndylardy 80 paıyzǵa deıin qysqartýǵa múmkindik beredi. Muny men Astana qysynda únemi bolatyn tútinge qatysty aıtyp otyrmyn», - dedi B.Sultanov.
Sonymen qatar, qala ákimi elorda turǵyndarynan qoqysty suryptap úırenýge shaqyrdy.
«24 táýlikte myń tonna qoqys shyǵarylady. 2019 jyldyń sońyna deıin qaldyqtardy óńdeıtin eki zaýyttyń bolatyndyǵyn eskergenniń ózinde ózimiz kirispesek Shveıtsarııadaǵydaı ómir súre almaımyz», - dedi ákim.
B.Sultanov dereginshe, Astananyń tóńireginde jáne ishinde 10 mln aǵash otyrǵyzylǵan. 2019 jyly taǵy da 500 myń aǵash otyrǵyzylady. Jyl sońyna deıin 5 saıabaq, 2 gúlzar ashylyp, jańa velojolaqtar salynady, kóshelerdegi jattyǵý qurylǵylary ornatylady.
