«Aqyly jolmen júrdińiz»: ShQO-da Buqtyrmaǵa salynǵan kópirden alaıaqtar paıda taýyp jatyr
ÓSKEMEN. KAZINFORM – Prezıdent tapsyrmasymen Shyǵys Qazaqstan oblysyndaǵy Buqtyrma sý qoımasyna salynǵan kópirdi alaıaqtar óz paıdalaryna qoldana bastady.
Sońǵy kúnderi oblys turǵyndarynyń telefonyna Buqtyrma sý qoımasyndaǵy kópirmen júrip ótkeni úshin aqy tóleýi qajettigi jaıly SMS-habarlamalar kele bastaǵan. Onda sol týraly tolyǵyraq aqparat alý úshin tómendegi siltemege ótý qajettigi jazylǵan.
Rasymende kópir aqyly bolyp ketti me, álde bul alaıaqtardyń kezekti amaly ma? Kazinform tilshisiniń bul saýalyna ShQO jolaýshylar kóligi jáne avtomobıl joldary basqarmasynyń basshysy Nurlan Jumadilov jaýap berdi.
«Kópirmen júrý kóliktiń barlyq túri úshin tegin. Mundaı habarlamalardy alaıaqtar jiberip jatyr. Azamattardy mán bermeýge jáne kúdikti siltemelerge ótpeýge shaqyramyz», - dedi ol.
Eske salsaq, osyǵan deıin ShQO-da ınternettegi alaıaqtardyń arbaýyna 700-den astam adam ilikkeni habarlanǵan.
