Aqyly joldyń aqshasyn tólemegenderge aıyppul qashan salynady

Kólik mınıstrligi aqyly jolda júrý aqysyn tólemegenderge aıyppul qashan salynatynyn túsindirdi, dep habarlaıdy Kazinform.

Kólik mınıstrliginiń avtomobıl kóligi jáne kóliktik baqylaý komıteti aqyly jolmen júrý aqysyn kúntizbelik 7 kúnniń ishinde tóleý qajet ekenin eske salady.

Osy rette tólem jasaýdyń 20-dan astam ádisi bar.

Atap aıtqanda, QAJ mobile mobıldi qosymshasy, Kaspi.kz, Kiwi-ámııan, Forte Bank arqyly. 

Segizinshi kúni Ákimshilik quqyq buzý kodeksiniń 628-babyna sáıkes aıyppul esepteledi.

Jeke tulǵalar úshin aıyppul mólsheri — 5 AEK, zańdy tulǵalar úshin — 10 AEK (2023 jyly 1 AEK kólemi — 3 450 teńge).

«Ákimshilik jaýapkershiliktiń aldyn alý úshin avtokólik ıeleri men júrgizýshiler aqyly joldyń aqysyn ýaqtyly tóleýi kerek. Sonymen birge bereshegi bar avtokólik ıelerin tarıfke sáıkes qaryzyn óteýge shaqyramyz» deıdi mınıstrlikten.