Aqyly joldar 20% qymbattaıdy – Kólik mınıstrligi

Elimizde aqyly joldar qatary kóbeıedi jáne onyń baǵasy da ósedi. Bul týraly Kólik mınıstri Marat Qarabaev málim etti, dep habarlaıdy QazAqparat tilshisi.

«Tranzıttik el bolǵan joldardy qalpynda ustap, kútý kerek. Joldardyń sapasyn jaqsartý úshin qazirgi túsim jetkiliksiz. Sondyqtan jol aqysyn 20%-ǵa kóterip jatyrmyz. Ekinshiden, 10 jyldan astam jol aqysy, ıaǵnı tarıf ózgergen joq. Biz jıi jolda júretinderge aılyq abonement usynamyz. Jol suranysqa ıe, demek baǵa jolaýshylar úshin arzanǵa túsedi degen sóz. Bul qazir qoldanystaǵy 2300 shaqyrym aqyly jolǵa qatysty áńgime», - dedi Marat Qarabaev vedomstvoda ótken baspasóz máslıhatynda.

Mınıstrdiń aıtýynsha, joldy kútýde bıýdjetke salmaq túsirmegen abzal.

«Endi ekinshi sanattaǵy, ıaǵnı 4 jolaqty emes 2 jolaqty joldardy aqyly etýdi josparlap otyrmyz. Biraq, jol tek júk kólikteri úshin ǵana aqyly bolady. Olarǵa da abonement ázirlep jatyrmyz. Maqsat bireý - joldy jaqsy sapada ustaý kerek, al ol kólemdi qarjyny talap etedi», - deıdi ol.