Aqyly joldardaǵy abonementtiń baǵasy jáne ony alý joldary qandaı
ASTANA. KAZINFORM – Ol úshin kólik aqyly joldar ýchaskesine irgeles aýdandarda tirkelý qajet (kólik quralynyń tirkelgen jeri QR ІІM derekter qorynan alynady) jáne jol aqysy úshin qaryzy bolmaýy tıis.
Abonementti alý úshin onlaın, klıenttermen jumys isteý ortalyǵyna nemese aqy tóleý pýnktine baryp ótinim berýge bolady.
Abonementterdiń quny:
1. Bir aılyq abonement (kúntizbelik 30 kún):
– jeńil kólikterge qarastyrylmaǵan;
– 16 orynǵa deıingi avtobýstar jáne júk kótergishtigi 2,5 tonnaǵa deıingi júk avtomobılderi úshin – I sanattaǵy avtomobıl joldary boıynsha – 2 AEK (8 650 teńge), II jáne III sanattaǵy avtomobıl joldary boıynsha – 1 AEK (4 325 teńge);
– 32 orynǵa deıingi avtobýstar jáne júk kótergishtigi 5,5 tonnaǵa deıingi júk avtomobılderi úshin – I sanattaǵy avtomobıl joldary boıynsha – 4 AEK (17 300 teńge), II jáne III sanattaǵy avtomobıl joldary boıynsha – 2 AEK (8 650 teńge);
– 32 orynnan asatyn avtobýstar jáne júk kótergishtigi 10 tonnaǵa deıingi avtopoezdar úshin – I sanattaǵy avtomobıl joldary boıynsha – 6 AEK (25 950 teńge), II jáne III sanattaǵy avtomobıl joldary boıynsha – 3 AEK (12 975 teńge);
– júk kótergishtigi 10 tonnadan asatyn, biraq 15 tonnadan aspaıtyn júk avtomobılderi úshin – I sanattaǵy avtomobıl joldary boıynsha – 8 AEK (34 600 teńge), II jáne III sanattaǵy avtomobıl joldary boıynsha – 4 AEK (17 300 teńge);
– júk kótergishtigi 15 tonnadan asatyn júk avtomobılderi, onyń ishinde tirkemeleri bar júk avtomobılderi men ershikti tartqyshtar úshin – I sanattaǵy avtomobıl joldary boıynsha – 10 AEK (43 250 teńge), II jáne III sanattaǵy avtomobıl joldary boıynsha – 5 AEK (21 625 teńge).
2. Bir jyldyq abonement (kúntizbelik 365 kún):
– jeńil kólikter úshin – 1 AEK (4 325 teńge);
– 16 orynǵa deıingi avtobýstar jáne júk kótergishtigi 2,5 tonnaǵa deıingi júk avtomobılderi úshin – I sanattaǵy avtomobıl joldary boıynsha – 20 AEK (86 500 teńge), II jáne III sanattaǵy avtomobıl joldary boıynsha – 12 AEK (51 900 teńge);
– 32 orynǵa deıingi avtobýstar jáne júk kótergishtigi 5,5 tonnaǵa deıingi júk avtomobılderi úshin – I sanattaǵy avtomobıl joldary boıynsha – 40 AEK (173 000 teńge), II jáne III sanattaǵy avtomobıl joldary boıynsha – 24 AEK (103 800 teńge);
– 32 orynnan asatyn avtobýstar jáne júk kótergishtigi 10 tonnaǵa deıingi avtopoezdar úshin – I sanattaǵy avtomobıl joldary boıynsha – 60 AEK (259 500 teńge), II jáne III sanattaǵy avtomobıl joldary boıynsha – 36 AEK (155 700 teńge);
– júk kótergishtigi 10 tonnadan asatyn, biraq 15 tonnadan aspaıtyn júk avtomobılderi úshin – I sanattaǵy avtomobıl joldary boıynsha – 80 AEK (346 000 teńge), II jáne III sanattaǵy avtomobıl joldary boıynsha – 48 AEK (207 600 teńge);
– júk kótergishtigi 15 tonnadan asatyn júk avtomobılderi, onyń ishinde tirkemeleri bar júk avtomobılderi men ershikti tartqyshtar úshin – I sanattaǵy avtomobıl joldary boıynsha – 100 AEK (432 500 teńge), II jáne III sanattaǵy avtomobıl joldary boıynsha – 60 AEK (259 500 teńge).
Abonementti rásimdeý joldary:
1. 1403 baılanys ortalyǵy arqyly
- tańdaǵan abonementtiń qunyna sáıkes kólik quralynyń nómirine qarajat salyp, qyzmetti qosý úshin 1403 baılanys ortalyǵyna habarlasý kerek.
2. Kaztoll.kz saıty arqyly
- Kaztoll.kz saıtyna tirkelý;
- Kólik quralyńyz týraly derekterdi toltyrý;
- «Abonementti rásimdeý» bólimine ótip, ózińizge qajetti abonementtiń túrin tańdaý (aılyq, jyldyq).
3. Aqy tóleý pýnktteri (ATP) nemese klıenttermen jumys isteý ortalyqtary arqyly (KJO)
- ATP nemese KJO operatorlaryna habarlasý
- Abonementti ózińizge yńǵaıly ádispen tóleý (karta, aqshalaı nemese ınternet-bankıng arqyly).
Aıta ketelik Qazaqstandaǵy jol apattarynyń 91%-y júrgizýshilerdiń kinásinen bolatyny týraly jazǵan edik.
