Aqyly joldarda jyldamdyqty asyrý faktilerin tirkeý bastaldy

ASTANA. KAZINFORM – 2025 jylǵy 29 qazannan bastap «QazAvtoJol» ulttyq kompanııasy aqyly avtojoldaryndaǵy belgilengen jyldamdyq rejımin buzý faktileri jónindegi derekterdi Ákimshilik is júrgizýdiń biryńǵaı tiziliminiń protsessıngtik ortalyǵyna (ÁІBT PO) jiberýdi bastady.

Endi jyldamdyqty arttyrý jaǵdaılary avtomatty baqylaý arkalary arqyly tirkelip, aqparat tikeleı ÁІBT PO júıesine joldanady. Bul óz kezeginde jol qozǵalysy erejelerin buzý derekterin óńdeý kezinde ashyqtyqty, shynaıylyqty jáne jaýapkershilikti qamtamasyz etpek.

Jyldamdyq tirkeletin ýchaskeler:

- «Kókshetaý – Petropavl» avtomobıl joly:

354 shq - «Dragomırovka» baqylaý arqylyǵy

443,8 shq - «Astrahanka»baqylaý arqylyǵy

473,126 shq - «Beskól» baqylaý aqylyǵy

- «Almaty - Qorǵas» avtomobıl joly:

38,243 shq - «Baltabaı» baqylaý arqylyǵy

204,648 shq - «Uıǵyr» baqylaý arqalyǵy

205,480 shq - «Panfılov» baqylaý arqalyǵy

Júrgizýshilerge mańyzdy aqparat:

Júıe kólik quralynyń naqty qozǵalys jyldamdyǵyn tirkep, ony belgilengen shekteýmen avtomatty túrde salystyrady.

Jyldamdyqty asyrý týraly málimetter ÁІBT PO júıesine jiberilip, sol jerde ákimshilik materıaldar qalyptastyrylady.

Júrgizýshilerge jol qozǵalysy erejelerin, sonyń ishinde jyldamdyq rejımin qatań saqtaý usynylady, ásirese aqyly ýchaskeler men baqylaý arkalary mańynda.

-Atalǵan júıeniń engizilýi jol qozǵalysy qaýipsizdigin arttyrýǵa, jol-kólik oqıǵalarynyń sanyn azaıtýǵa jáne respýblıkalyq mańyzy bar trassalarda ádil ári tıimdi baqylaý tetigin qalyptastyrýǵa baǵyttalǵan, - delingen habarlamada.

Osyǵan deıin ShQO-da jóndeýge baılanysty jabylǵan respýblıkalyq jol ýchaskesi qaıta ashylǵany týraly jazdyq.