Aqyly turaqtar qazaqstandyq tutynýshylardyń quqyqtaryn buza ma
ASTANA. KAZINFORM – QR Saýda jáne ıntegratsııa mınıstri Arman Shaqqalıev Májilis kýlýarynda kólik turaqtaryn jappaı aqyly negizge aýystyrý jóninde suraqtarǵa jaýap berdi.
Tilshiler saıabaqtar men úı aýmaqtarynda aqyly turaq oryndary qaptaǵanyn, tipti senbi men jeksenbi kúnderi de aqy alynatynyn aıtýda.
Alaıda mınıstr tegin qyzmet kórsetilmeıtinin atap ótti. Qazaqstandyqtar bul máselede tutynýshy rólin atqarady jáne qyzmet sapasyz kórsetilse ǵana shaǵymdana alady.
«Munda kommýnaldyq menshik keńistigin aqyly negizde paıdalaný týraly aıtyp otyrmyz. Biz tutynýshylarǵa bári tegin bolýy kerek dep aıta almaımyz. Másele basqada – eger sizge tutynýshy retinde aqyly avtoturaqty paıdalanǵanda zııan keltirilse nemese sizdiń kóligińiz aıyppul turaǵyna negizsiz jetkizilse – tutynýshy retinde jergilikti atqarýshy organ qyzmetin ala almaǵanyńyz», - dedi A. Shaqqalıev.
Osyǵan deıin Saýda jáne ıntegratsııa mınıstriniń eldiń qysqy jáne jazǵy ýaqytqa kóshý máselesi úsh jyldan keıin ǵana qaralatynyn aıtqanyn jazǵan bolatynbyz.
