Aqyly medıtsınalyq qyzmetterge 10% QQS salynady

ASTANA. KAZINFORM – Medıına salasynda qosylǵan qun salyǵy tek aqyly qyzmetterge salynady. Salyq kodeksiniń jańa redaktsııasyna osyndaı norma usynylyp otyr.

- Áleýmettik mańyzy bar azyq-túlik, kitap basyp shyǵarý, arheologııa – qosylǵan qun salyǵyn tóleýden bosatylady.

Úkimet áleýmettik salada, densaýlyq saqtaý salasynda qosylǵan qun salyǵynan bosatylǵan dári-dármekterdiń áleýmettik tizimin aıqyndaıtyn bolady. Qosylǵan qun salyǵy tek aqyly medıtsınalyq qyzmetterge salynady. Qosylǵan qun salyǵynyń mólsherlemesi 10% bolady, - dedi Premer-mınıstrdiń orynbasary – Ulttyq ekonomıka mınıstri Serik Jumanǵarın Májilistiń jalpy otyrysynda.

Al áleýmettik saladaǵy korporatıvtik tabys salyǵy – 2026 jyldan bastap 5%, al 2027 jyldan bastap 10% bolmaq.

- Bank operatsııalaryna qosylǵan qun salyǵy salynady. Olardyń baǵasynyń ósýine jol bermeý úshin Básekelestikti qorǵaý agenttigi Úkimetpen birlesip aǵymdaǵy baǵalardyń durystyǵyna taldaý júrgizedi, - dedi vıtse-premer.

Aıta ketý kerek, Salyq kodeksiniń jańa redaktsııasynda QQS salynatyn aınalymnyń tómengi shegin 40 mln teńge dep belgileý usynylyp otyr.