Aqyly avtojoldarda saralanǵan tólem engizý usynyldy

ASTANA. KAZINFORM — Jalpyǵa ortaq paıdalanylatyn respýblıkalyq mańyzy bar aqyly avtomobıl joldarymen júrip ótý úshin aqy alý qaǵıdalaryn bekitý týraly buıryqqa ózgerister engizý jónindegi qujat «Ashyq NQA» portalynda 26 aqpanǵa deıin qoǵamdyq talqylaýǵa usynyldy.

— Qujatta saralanǵan tólem júıesin engizý kózdelgen. Bul shara tranzıttik sheteldik paıdalanýshylar tarapynan joǵary júktemege ushyraıtyn avtomobıl joldaryn kútip-ustaý jáne qalpyna keltirý shyǵyndaryn óteýge múmkindik beredi. Sonymen qatar bastama elimizdiń ekonomıkalyq múddelerin qorǵaýǵa jáne halyqaralyq kólik qatynastarynda ózara qarym-qatynas qaǵıdatyn qamtamasyz etýge baǵyttalǵan. Qosymsha túsimderdi jol ınfraqurylymyn damytýǵa jáne ustaýǵa baǵyttaý usynylady, — delingen Kólik mınıstrligi ázirlegen habarlamada.

Sonymen qatar, atalǵan norma Eýrazııalyq ekonomıkalyq odaqqa múshe memleketterge, Qazaqstan Respýblıkasynyń rezıdentterine, sondaı-aq aqyly joldarmen júrý sharttary úkimetaralyq kelisimderde qarastyrylmaǵan elderge qoldanylmaıdy.

Aıta keteıik, byltyr aqyly joldardan 90 mlrd teńgege tarta qarajat jınalǵan edi.