Aqyly avtoturaqtar jumysyn baqylaıtyn memlekettik operator quryla ma
ASTANA. KAZINFORM – Premer-Mınıstrdiń birinshi orynbasary Roman Sklıar Májilis depýtattarynyń aqyly avtoturaqtar jumysyna baqylaý júrgizetin memlekettik operator qurý usynysyna jaýap berdi.
«Ekonomıkany yryqtandyrý jónindegi sharalar týraly» Qazaqstan Respýblıkasy Prezıdentiniń 2024 jylǵy 8 mamyrdaǵy № 542 Jarlyǵyna sáıkes, «Zańsyz ıemdenilgen aktıvterdi memleketke qaıtarý týraly» Qazaqstan Respýblıkasy Zańynyń oryndalýyn qamtamasyz etý qajettiligin, sondaı-aq Qazaqstan Respýblıkasy Prezıdentiniń tikeleı tapsyrmalary boıynsha aıryqsha jaǵdaılardy qospaǵanda, 2026 jylǵy 31 jeltoqsanǵa deıin kvazımemlekettik sektor sýbektilerin qurýǵa moratorıı engizildi. Biryńǵaı memlekettik operator qurý ekonomıkanyń básekeles salalaryna memlekettiń qatysýyn qysqartý jónindegi memleket saıasatymen úılespeıdi. Sondyqtan atalǵan usynys qoldaý tappaıdy», - dedi birinshi vıtse-premer jaýabynda.
Aıta keteıik, Májilis depýtattary Roman Sklrıadyń atyna joldaǵan saýalynda aqyly avtoturaqtar jumysyna baqylaý, sondaı-aq ákimshilik quqyq buzýshylyqtardy tirkeıtin tehnıkalyq baqylaý quraldary men aspaptaryn ornalastyrý jáne baqylaý júrgizetin memlekettik operatorlardy qurýdy usynǵan bolatyn.
Buǵan deıin jol qozǵalysyndaǵy quqyq buzýshylyqtar avtomatty túrde anyqtalatyn buzýshylyqtar tizbesinen alynbaıtyndyǵyn jazǵan edik.