«Aqyldyń múmkindigi sheksiz»: Astanada álemdik bestseller tanystyrylady
ASTANA. KAZINFORM — Elordada álemdik bestseller — «Aqyldyń múmkindigi sheksiz» atty kitaptyń tanystyrylymy ótedi.
— Astanada tuńǵysh ret qazaq tilinde álemdik sensatsııa — doktor Djo Dıspenzanyń «Aqyldyń múmkindigi sheksiz» atty bestseller kitabynyń tanystyrylymy ótedi. Bul jaı ǵana bir kitaptyń jaryqqa shyǵýy emes. Bul — mıllıondaǵan adamnyń oılaý júıesin, densaýlyǵyn, ómir sapasyn ózgertken ǵalamdyq ıdeıalardyń budan bylaı árbir qazaqstandyqqa da ana tilinde qoljetimdi bolǵandyǵynyń belgisi, — dep habarlaıdy uıymdastyrýshylar.
Doktor Djo Dıspenza — álemdegi eń kóp oqylatyn avtorlardyń biri, neıroǵylym men tulǵalyq transformatsııa salasynyń mamany.
Kitaptyń tusaýkeseri búgin saǵat 19:00–de Astana qalasyndaǵy KeruenCity saýda ortalyǵyndaǵy Meloman/Marwin dúkeninde ótedi. Іs-shara aıasynda doktor Djo Dıspenzanyń vırtýaldy qatysýymen ınteraktıvti retrıt uıymdastyrylady.