«Aqyldy» eseptegish: elimizde gaz salasyn tsıfrlandyrý jalǵasady
ASTANA. KAZINFORM — QazaqGaz tsıfrlandyrýǵa erekshe mán berip otyr. 2024 jyldyń nátıjesi boıynsha ulttyq kompanııa bul baǵytta aıtýly jetistikterge jetti.

«Aqyldy» eseptegishterdi ornata otyryp, taratý jelileri men abonentterdi tsıfrlandyrý belsendi túrde júrgizildi. Tsıfrlanǵan abonentter ınteraktıvti kartadan kórinedi. Sonyń kómegimen gazdy qalypty tutynbaıtyn abonentterdiń ornalasqan ornyn anyqtaýǵa, eseptegishterdiń kórsetkishterin jınaýdy baqylaýǵa jáne gazdy esepke alýdyń ashyqtyǵyn arttyrýǵa bolady.
Shymkent qalasyndaǵy Tasken shaǵynaýdanynda gazdy tsıfrlyq esepke alýdyń qanatqaqty jobasy aıaqtaldy. Osyǵan uqsas jumystar Astana men Qaraǵandyda da júrgizildi. Joba gaz shyǵynyn azaıtýda jáne tólem tártibin jaqsartýda joǵary tıimdiligin kórsetti. Aldaǵy ýaqytta QazaqGaz jasandy ıntellektini qoldana otyryp, osy júıeni búkil el boıynsha engizýdi qarastyryp jatyr.

2023 jyly kompanııa turǵyn úılerdi gaz jelisine qosý úshin eGov.kz arqyly onlaın-ótinimder júıesin engizdi. Bul azamattardyń atalǵan qyzmetke qoljetimdiligin jaqsartýǵa múmkindik berdi. Qazir kompanııa tehnıkalyq sharttardy berýge ótinimderdiń 46 paıyzyn onlaın-platformalar arqyly alyp otyr. Munyń ózi abonentterdiń gazǵa qosylý úderisin aıtarlyqtaı jeńildetti.
2024 jyldyń jeltoqsanynan bastap, QazaqGaz Energetıka mınıstrligimen birlesip, «Áleýmettik ámııan» qanatqaqty servısin iske qosty. Joba Shymkent qalasy men Batys Qazaqstan oblysynda ataýly áleýmettik kómekti (AÁK) jáne turǵynjaı kómegin (TK) alatyn azamattardy qoldaýǵa baǵyttalǵan. Atalǵan óńirlerdiń AÁK jáne TK alyp júrgen turǵyndary eGov Mobile qosymshasynyń kómegimen tabıǵı gazǵa 24 paıyzǵa deıingi jeńildikti paıdalana alady. Synaq kezeńinen keıin bul joba barlyq óńirdi qamtıtyn bolady.
Buǵan deıin habarlanǵandaı, Astanada avtonomdy jylý qazandyǵy bar turǵyn úıler gazǵa aýystyrylyp jatyr.