Aqyldy áınek: Qytaı dárethanalarda temeki shegýge qarsy jańa ádis qoldana bastady
ASTANA.KAZINFORM — Qytaı qoǵamdyq dárethanalarda zańsyz temeki shegýmen kúresý úshin joǵary tehnologııalyq sheshim engizdi. «Aqyldy» shyny paneldermen jabdyqtalǵan kabınalar tútin anyqtalǵan kezde birden móldir áınekke aınalady, dep habarlaıdy Kazinform agenttigi.
The Standard basylymynyń málimeti boıynsha, Shenchjen qalasynyń ońtústik-shyǵysyndaǵy saýda ortalyqtaryna «aqyldy» shyny panelderi bar dárethanalar ornatyldy.
Qalypty jaǵdaıda panelder bulyńǵyr bolyp turady, bul kelýshilerdiń qupııalylyǵyn qamtamasyz etedi. Alaıda, bireý ishinde temeki shege bastasa, áınek birden móldir áınekke aınalady. Osylaısha tártip buzýshy báriniń aldynda áshkere bolady.
China exposes smokers with smart technology:
— China pulse | 中国脉搏 🇨🇳 (@Eng_china5) December 17, 2025
In Shenzhen, restroom doors switch from opaque to transparent the moment cigarette smoke is detected, publicly revealing violators. pic.twitter.com/tP1JKcBxpU
Ár esikke «Temeki shegý móldir rejımdi iske qosady» degen eskertý belgileri ilingen.
Bul júıe dárethana kabınalarynda tyǵylyp temeki shegýshilermen kúresý úshin engizildi.
Áleýmettik jeli paıdalanýshylary bul jańalyqty jaqtap, halyqty passıvti tútinnen qorǵaý úshin búkil elde engizýge shaqyrdy.
Buǵan deıin Qazaqstanda dástúrli temekige suranys azaıyp, elektrondy temeki men kalıan tanymal bolyp kele jatqanyn habarlaǵan edik.