Aqylbek Japarov Úkimet múshelerine toıǵa barýǵa tyıym saldy
ASTANA. KAZINFORM – Qyrǵyzstan prezıdenti ákimshiliginiń alqa májilisinde mınıstrler kabınetiniń basshysy Aqylbek Japarov úkimet múshelerine toıǵa barýǵa tyıym saldy, dep habarlaıdy 24.kg.
Onyń aıtýynsha, memleket basshysynyń barlyq jarlyǵy men tapsyrmasy sapaly ári ýaqytyly oryndalýy tıis. Mınıstrler kabınetiniń basshysy Sadyr Japarovtyń toı ótkizý kezinde mal soıýǵa jáne ysyrapshyldyqqa tyıym salý týraly qaýlysyna jeke toqtaldy.
«Eger siz bir jerde ysyrap jasalǵanyn kórseńizder, ol jerge barmańyz. Toıda júrmeńizder», – dedi A.Japarov.
2022 jyldyń aqpanynda Qyrǵyzstanda is-sharalar ótkizý kezindegi shekteýler týraly prezıdent jarlyǵyna qol qoıyldy. Onyń maqsaty – azamattardyń áleýmettik-ekonomıkalyq ómir súrý deńgeıin arttyrý, sondaı-aq qoǵamdaǵy rýhanı atmosferaǵa teris áser etetin dinı joralar, rásimder, basqa da is-sharalardy ótkizý kezinde ysyrapshyldyqqa jol bermeý.
