Aqylbek Kúrishbaev: Ǵylymǵa bólinetin aqshanyń 70 paıyzy Almaty men Astanada qalyp jatyr
ASTANA. KAZINFORM – QR Prezıdenti janyndaǵy Ulttyq akademııasynyń prezıdenti Aqylbek Kúrishbaev Jibek Joly telearnasynyń «Ýáde» baǵdarlamasynda ǵylymǵa bólingen qarjynyń qyzyǵyn kimder kórip otyrǵanyn aıtty.
- Bizdegi ǵalymdardyń 61 paıyzy, aqshanyń 70 paıyzy Almaty men Astanada shoǵyrlanǵan. Mundaı jaǵdaıda óńirler qala damyp, ǵylym qalaı alǵa basady? Qanysh Sátbaev akademııany basqaryp turǵanda ózgeristi árbir oblysta ǵylymı zertteý ınstıtýttarynyń fılıalyn ashty. Sóıtip óńirlik ǵylymdy damytty. Biz sony qazir umyttyq. Buryn ákimder ǵylymǵa qarajat bólmeıtin. Jańa Bıýdjet kodeksinde ol mindet bekitilgen. Sondaı-aq, ákimderdiń janynda ǵylymdy damytý keńesteri qurylady.
Osy arqyly ǵylymǵa bólinetin aqshanyń eki qalaǵa ǵana shoǵyrlaný máselesin sheshe alamyz. Naǵyz qoldanbaly ǵylym óńirlerde damý kerek. Sonda bári ornyna keledi. Zamanaýı model dep otyrǵanym osy, - dedi Aqylbek Kúrishbaev.
Akademııa prezıdentiniń aıtýynsha, álemdik ǵylymdaǵy úlken jańalyqtar pánaralyq zertteýlerdiń negizinde jasalyp jatyr.
- Bizde de iri jobalar iske asyrylý kerek. Al qazir bizdiń jobalardyń bári – usaq. Oryssha aıtqanda, «melkoteme». Sol úshin ǵylymı jobalardyń saraptamasyn akademıkter isteıtin boldy. Nysanaly baǵdarlamalyq jobalar bar. Solardyń 27 paıyzynda bir jobaǵa bir ótinish keledi. Bul degenińiz bir ınstıtýtqa – bir joba. Báseke bolmaǵan soń sapa qaıdan bolady? Keıbir jobalardy qarap otyryp oıǵa qalam, bizdegi ǵylymdy qoldaý saıasaty áleýmettik kómek bolyp ketken sııaqty.
Osyny ózgertý úshin biz úlken pánaralyq zertteýlerdiń tehnıkalyq tapsyrystaryn ýákiletti mınıstrlikke joldap otyrmyz. Biz qazir Nazarbaev ýnıversıtetpen kollaboratsııa jasap jatyrmyz. Kezinde memleket ony damytýǵa jaqsylap turyp aqsha bóldi. Endi sony ǵylymdy damytýǵa paıdalaný kerek qoı. Bizdiń áleýeti bar, solardyń áleýeti bar, basqa da ýnıversıtettermen birlesip konsortsıým quramyz.
Osy arqyly ǵylymǵa bólinetin aqshanyń eki qalaǵa ǵana shoǵyrlaný máselesin sheshe alamyz. Naǵyz qoldanbaly ǵylym óńirlerde damý kerek. Sonda bári ornyna keledi. Zamanaýı model dep otyrǵanym osy, - dedi ol.
Eske salsaq, bıyl 27 naýryzda «Qazaqstan Respýblıkasynyń Ulttyq ǵylym akademııasy» respýblıkalyq qoǵamdyq birlestiginiń taratylatyny resmı málimdelgen bolatyn.