Aqylbek Kúrishbaev burynǵy Ǵylym akademııasynyń taǵdyry týraly pikir bildirdi

ASTANA. KAZINFORM – QR Prezıdenti janyndaǵy Ulttyq akademııasynyń prezıdenti Aqylbek Kúrishbaev Jibek Joly telearnasynyń «Ýáde» baǵdarlamasynda Murat Jurynov basqaratyn ǵylymı akademııanyń taǵdyry týraly pikir bildirdi.

Suhbat barysynda júrgizýshi elde eki birdeı ǵylym akademııasynyń jumys isteıtini qanshalyqty qısynǵa syıatynyn, Murat Jurynov basqaratyn «burynǵy» akademııanyń taǵdyry ne bolatynyn surady.

- Ondaı da kezeń boldy. Biraq qazir Prezıdenttiń janynda qurylǵan, memlekettik statýsy bar akademııa bar. Soǵan baılanysty Ǵylym jáne tehnologııalyq saıasat týraly arnaıy zań qabyldandy. Osy zańda akademııanyń fýnktsııalary naqty jazyldy. Osy fýnktsıonal boıynsha akademııa jumys istep jatyr. Sol zań boıynsha ashyq túrde saılaý ótkizilip, 4 kezeńdik konkýrs arqyly akademııanyń 17 baǵyty boıynsha halyqaralyq patentteri bar, óndiriske úles qosqan akademıkter saılandy, - dedi ol.

Aqylbek Kúrishbaev burynǵy akademııa keıingi 20 jyldam astam ýaqyt boıy qoǵamdyq uıym retinde jumys istep kelgenin eske saldy.

- 2003 jylǵa deıin bular memlekettik akademııa bolyp turdy da, keıin qoǵamdyq akademııa bolyp turdy. Ony ishinara memleket qarjylandyrǵanymen qoǵamdyq uıym retinde ǵana qarap keldi. Shyn máninde akademııa jumys isteý kerek. Soǵan baılanysty qoǵamdyq uıymnyń jabylýyna baılanysty bıyl ondaǵy 150 múshe bizge qurmetti akademık retinde qabyldandy. ıAǵnı burynǵy akademıkter «qurmetti akademık» bolyp sanalady. Al tolyq músheligi bar 17 akademık bizdiń yqpalymyzda jumys istep jatyr.

Qurmetti akademık degen – ataq. Bular ǵalym bolǵandyqtan bólimshelerde akademık retinde jumys isteıdi. Biraq jalpy jınalystyń múshesi jańaǵy saılanǵan 17 akademık bolady. Tıisti sheshimdi solar qabyldap otyrady. Qurmetti akademıkter ózge jumystarǵa qatysyp, usynystaryn aıtyp otyrady. Sóıtip birge jumys isteımiz, - dedi akademııa prezıdenti.

Eske salsaq, bıyl 27 naýryzda «Qazaqstan Respýblıkasynyń Ulttyq ǵylym akademııasy» respýblıkalyq qoǵamdyq birlestiginiń taratylatyny resmı málimdelgen bolatyn.