Ákesiniń sharýa qojalyǵynan mal urlap isti boldy - Almaty oblysy
TALDYQORǴAN. QazAqparat - Almaty oblysy Kegen aýdanynyń polıtseıleri birneshe ret bótenniń qorasynan qoı urlap, ony zańsyz saýdalaýmen aınalysqan úsh kúdiktini ustady, dep habarlaıdy QazAqparat tilshisi.
Kegen aýdandyq Polıtsııa bóliminiń kezekshi bólimine túngi ýaqytta belgisiz bireýlerdiń qoılaryn urlaıtyndyǵy týraly jergilikti turǵyndardan birneshe aryz kelip túsken.
Jedel-izdestirý is-sharalarynyń nátıjesinde, kúdiktilerdiń 19 jastaǵy jergilikti azamattar ekendigi anyqtaldy. Olar óz isterin tolyǵymen moıyndap, odan ózge birneshe urlyqqa qatysy barlaryn jaıyp saldy. Sonymen qatar, top músheleriniń biri ákesiniń sharýa qojalyǵynan urlyq jasaýǵa kómektesken.
Barymtashylardyń aıtýynsha, olar bul iske aqsha úshin barǵan. Qoılardy jergilikti turǵyndarǵa satyp, aqshany bóliske salǵannan keıin, atalǵan qarajatty óz qajettilikterine jumsaǵan.
Kúdiktiler ýaqytsha ustaý oqshaýlaǵyshyna qamaldy.
