Ákesin uryp óltirgen aqtóbelikke sot úkimi shyqty

AQTÓBE. QazAqparat – Aqtóbede janjal kezinde ákesin uryp óltirgen turǵyn 8 jylǵa bas bostandyǵynan aıyryldy, dep habarlaıdy QazAqparat tilshisi.

№2 Aqtóbe qalalyq sotynda A.Esenǵazınge sot úkimi shyqty.

44 jastaǵy aqtóbelikke Qylmystyq kodekstiń «Densaýlyqqa qasaqana aýyr zııan keltirý» baby boıynsha aıyp taǵyldy.

Іs materıalyna súıensek, sottalýshy bıyl tamyz aıynda úıine mas kúıinde barady. Páterge kirgen boıda ákesimen sózge kelip qalady.

Ol kezde ákesi de ishimdik ishken bolyp shyqty. Balaǵat sózderden soń sottalýshy ákesin basynan, denesinen judyryǵymen urǵan.

Janyna apasy kelip, toqtatýyn suraǵymen, oǵan qulaq aspaǵan. Sol sátte ákesi qulap, kóp qan joǵaltty.

Oqıǵa ornynda kóz jumdy. Al polıtsııa qyzmetkerlerin apasy shaqyrdy.

Sottalýshy A.Esenǵazın sotta óz kinásin tolyq moıyndady. Sot A.Esenǵazındi kináli dep tanyp, oǵan 8 jyl bas bostandyǵynan aıyrý jazasyn kesti.

Sot úkimi zańdy kúshine engen joq.