Ákesin óltirgen qylmysker ustaldy - Aqmola oblysy
KÓKShETAÝ. Naýryzdyń 26-sy. QazAqparat /Janmurat Janaıdarov/ - Aqmola oblysyndaǵy Makın qalasynyń syrtyndaǵy qoqys arasynan er azamattyń múrdesi tabyldy,
dep habarlaıdy QazAqparat tilshisi oblystyq ishki ister departamentiniń baspasóz qyzmetine silteme jasap.
Jaısyz habardy jergilikti polıtsııa bóliminiń kezekshiligine on bir jasar jergilikti turǵyn jetkizgen. Tergeý barysynda anyqtalǵandaı, ol uryp-soǵýdan jan tapsyrǵan 1936 jylǵy qala turǵynynyń máıiti bolyp shyqty. Tártip saqshylary júrgizgen tergeý amaldary barysynda zeınetker 1981 jylǵy ulymen birge bolǵany, aralarynda janjaldyń shyqqandyǵy anyqtaldy. Buǵan deıin temir tordyń ar jaǵynda jazasyn ótep kelgen 1981 jylǵy uly óz ákesin óltirgendigin moıyndaǵan. Qazir onyń ústinen QR QK-siniń 96-shy baby boıynsha qylmystyq is qozǵalyp, tergeý amaldary jalǵastyrylýda.
