Ákesimen birge ańǵa shyqqan bala óz aıaǵyn atyp aldy

ASTANA. QazAqparat - Ákesimen birge ańǵa shyqqan bala óz aıaǵyn atyp aldy. Bul týraly ІІM Ákimshilik polıtsııa komıteti Qarý aınalymyn baqylaý jáne tabıǵatty qorǵaý basqarmasynyń bastyǵy Asylbek Ydyrysov aıtty, dep habarlaıdy QazAqparat tilshisi.

«2 qyrkúıekten bastap respýblıka aýmaǵynda kúzgi ańshylyq kezeńi bastaldy. Osyǵan baılanysty ańshylardy ań aýlaý jáne qarýdy qaýipsiz ustaý qaǵıdalaryn saqtaýǵa shaqyramyz. Búgingi kúni ań aýlaý kezinde bundaı faktiler ókinishke oraı oryn alyp otyr. Mysaly, Soltústik Qazaqstan oblysynda ákesi balasymen ańǵa shyqqan. Ol balasyna qarý bergen. Balasy qarýdy ustaý yńǵaıyn bilmeı óziniń aıaǵyn atyp alǵan», - dedi basqarma bastyǵy mınıstrliktiń baspasóz qyzmeti alańynda ótken brıfıngte.

Onyń atap ótýinshe, ýákiletti qoryqshy qyzmeti ań aýlaý kezeńinde baqylaýdy kúsheıtý boıynsha birqatar is-shara qabyldap jatyr.

«Óz kezeginde ishki ister organdary tabıǵatty qorǵaý organdaryna reıdttik is-sharalardy ótkizýge kómek kórsetedi»,- dedi Asylbek Ydyrysov.