Ákesi úsh jasar ulyn kóp qabatty úıdiń shatyrynan ıterip jibergen
ASTANA. 23 jeltoqsan. QazAqparat - Nıý-Iorkte turatyn ýkraındyq azamat áıelinen qyzǵanǵan ulyn óltirip tynyp, artynan ózine qol jumsady.
Úsh jasar bala ata-anasynyń ajyrasyp, balany kimniń qamqorlyqqa alatynyna baılanysty kelispeýshiliktiń qurbany boldy. Ákesi ulyn anasyna tapsyratyn kúni balasyn óltirip, keıin ózine qol jumsamaq bolyp sheshken. 35 jastaǵy Dmıtrıı Kanarıkov Manhettendegi 52 qabatty turǵyn úıdiń tóbesine shyǵyp, ol jerden ulyn tómenge qaraı ıterip jiberip, artynan ózi de sekirgen, dep habarlaıdy Daily Mail.
Kanarıkovtyń Nıý-Iorkke Harkovtan birneshe jyl buryn kelip, júıelik sarapshy bolyp jumys istep, Brýklınde turǵany belgili boldy. BAQ birneshe aı buryn ǵana osy otbasynyń ózgelerge úlgi bolarlyqtaı tatý bolǵany týraly jazady. Kóp uzamaı, ajyrasý protsesi bastalyp, onyń aıaǵy osyndaı jaǵa jyrtysqan janjal men sumdyq oqıǵaǵa alyp keldi.
