Ákesi urǵan 4 jasar bala ońaltý sharasyna jiberildi
ALMATY. QazAqparat - Almaty qalalyq densaýlyq saqtaý basqarmasy 4 jasar Muhamedtiń densaýlyǵy týraly túsinikteme berdi, dep habarlaıdy QazAqparat tilshisi.
«Búginde balanyń densaýlyǵy birqalypty. Qanaǵattanarlyq dep baǵalanyp otyr. Búgin patsıent shuǵyl kómek kórsetý aýrýhanasynan №2 balalar aýrýhanasyna aýystyryldy. Ol jerde búldirshin ońaltý sharalarynan ótedi», - dep habarlady densaýlyq saqtaý basqarmasynyń baspasóz qyzmetinen.
Eske sala keteıik, qaıǵyly oqıǵa 16 shilde kúni Odesskaıa men Brıanskaıa kóshesiniń qıylysynda oryn alǵan bolatyn. Turǵyndar tal túbinen 4 jasar balany taýyp alǵan. Bala shala-jansar kúıinshe shuǵyl aýrýhanaǵa jetkizilip, ota jasaldy.
Almaty polıtsııasy jantúrshigerlik oqıǵaǵa kúdikti retinde balanyń ákesin ustaǵan bolatyn. Balanyń ákesi Murat Asqarogly óz kinásin moıyndap, qazaqstandyqtardan keshirim surady. Er adam mastyqtan eseńgirep turǵanda balasynyń qyńqyl-syńqylyn kótere almaı, taspen samaıynan bir-aq urǵan.
Osydan bir apta buryn sot balanyń ákesin 2 aıǵa qamaýǵa alý týraly sanktsııa shyǵardy.
