Ákesi kóliginde umytyp ketken sábı qaza tapty
ASTANA. 5 maýsym. QazAqparat - Keshe Italııadaǵy Pıachentsy qalasynyń soltústiginde kólik ishinen ólimshi haldegi 3 jasar Lýka esimdi búldirshin tabyldy.
Oqıǵa ornyna jetken dárigerler balany aman alyp qalýǵa tyrysqanymen, ol sol kúıi esin jımaı jan tapsyrdy. Dárigerlerdiń baılamynsha, sábı maýsymnyń aptap ystyǵynda kúni boıy turǵan kóliktegi joǵary temperatýranyń saldarynan kóz jumǵan.
Jantúrshigerlik jaǵdaı boıynsha onyń 39 jastaǵy ákesi Andrea Albaneze tergeldi. Qaladaǵy meıramhanalardyń birinde aspazshy bolyp jumys isteıtin ol tańerteń óziniń uıyqtap qalǵan ulyn kólik ishinde umytyp ketken. Búldirshindi balabaqshaǵa jetkizý ákesiniń esinen shyǵyp, ol tikeleı meıramhanaǵa jol tartqan.
