Ákesi bes jasar balasymen birge sýǵa batyp ketti
ASTANA. QazAqparat - RF Tergeý komıteti Tergeý basqarmasynyń Dolınsk qalasy boıynsha tergeý bólimshesi Sahalınsk oblysynda kólge batyp ketken er adam men onyń balasynyń qazasyna qatysty tergeýge deıingi tekseris jumystaryn bastady, dep málim etti vedomstvonyń baspasóz qyzmeti.
Dolınsk aýdany Starodýbovskıı aýylynda bolǵan qaıǵyly oqıǵa shuǵyl habar tergeýshilerge senbi kúni saǵat ekide kelip túsken. Olar dereý oqıǵa ornyna jetti.
Belgili bolǵandaı, Ońtústik Sahalınskiden kelgen eki otbasy kól jaǵasynda demalyp jatqan. Úrlengen sheńbermen júzip júrgen bes jastaǵy balany jaǵadaǵy ákesi baqylap otyrdy. Sýdyń ortasyna taıaý kelgende sheńber aınalyp, bala sýǵa bata bastaǵan. Balasyn qutqarýǵa umtylǵan áke de sýǵa batyp ketti.
Ajal qushqan bala men ákesiniń denelerin sýdan TJ mınıstrliginiń qyzmetkerleri alyp shyqty.
