Ákesi 35 jyl boıy qyzyna «oıynshyq úı» salǵan - FOTO
ASTANA. QazAqparat - Kóptegen búldirshin qyzdar óziniń kishkene jıhazdy bólmeleri bar oıynshyq úıi bolǵanyn armandaıdy. Bizdiń keıipkerimiz osy armanyna qol jetkizý úshin otyz jyldan astam kútýine týra keldi. Day.Az habarlaǵandaı, Essekstik (Ulybrıtanııa) Djeffrı Ýolkeı Londonda 18 ǵasyrda salynǵan Rainham Hall ǵımaratynyń kóshirmesin jasap shyǵý úshin 35 jyl ómirin sarp etken.
Quny 19 000 dollar, salmaǵy 90 keliden asatyn bul oıynshyq úı 3 qabattan jáne quramyna 5 jatyn bólme, kitaphana, ashana, mármár zaly men qosalqy bólmeler kiretin 13 bólikten turady. Al, qashyqtyqtan basqarý pýlti kómegimen úıdiń jaryǵyn óshirip, qosýǵa bolady.
Qazir 40-qa kelgen Sara Ýolkeı 5 jasynda ákesinen oıynshyq úı jasap berýin surasa kerek. Ákesiniń iske aspastaı jospardy qolǵa alǵanyn kórgen qyzy bul jumystyń sátti aıaqtalatynyna senbegen eken. Baqytyna oraı, Djeffrı óz oıyn júzege asyryp, qyzyn eseıgen shaǵynda bir qýantty.
