Aqerke Tájibaevanyń jeke kontserttik keshi ótti
ALMATY. 26 qazan. QazAqparat - Almatydaǵy respýblıkalyq jáne halyqaralyq baıqaýlardyń laýreaty, QR Tuńǵysh Prezıdenti grantynyń ıegeri Aqerke Tájibaevanyń «Tógilip saryn qobyzdan» atty jeke kontserttik keshi ótti.
QR Tuńǵysh Prezıdenti qory kontserttik zalynda bolǵan bul sharada «Babalar sazy» folklorlyq ansambli, «VID -Men» vokaldy top, «Jalyn» bıshiler toby jáne gıtarıst Rýslan Merǵalıev óner kórsetti.
Aqerke Jumadillaqyzy buǵan deıin ár jyldary «Táttimbet Qazanǵapuly» atyndaǵy II Respýblıkalyq halyq aspaptar oryndaýshylar konkýrsynyń, Respýblıkalyq «Asyl mura» dástúrli kúı oryndaýshylar baıqaýynyń, «Qurmanǵazy» atyndaǵy VII respýblıkalyq halyq aspaptarynda oryndaýshylar konkýrsynyń. halyqaralyq «Dede Korkut» festıvali, TMD memleketteriniń arasyndaǵy II jastar arasyndaǵy «Delfııalyq oıyndary» jáne «Altin Safran», «Uluslararasi Sivas asiklar» festıvaliniń, «14. Uluslararasi, Altin saz odulu Karacaoglan asiklar» festıvalderiniń laýreaty atanǵan bolatyn. Qazaqtyń qasıetti qobyzyn ol AQSh, Birikken Arab ámirligi, Vengrııa, Germanııa, Japonııa, Iordanııa, Italııa, Ispanııa, Qytaı, Koreıa, Lıtva, Moldova, Reseı, Tájikstan, Túrkııa sııaqty memleketterinde nasıhattap, qazaq óneriniń damýyna óz úlesin qosyp júr.
