«Ákemniń joqtyǵyn bildirmedi» — Tolqyn Zabırova anasy jaıly estelik aıtty

ASTANA. KAZINFORM — Qazaqstannyń eńbek sińirgen qaıratkeri Tolqyn Zabırova jýyrda dúnıeden ótken anasy jaıly estelikterin Jibek Joly arnasynyń «Búgin LIVE» baǵdarlamasynda bólisti.

— Ómirge degen qushtarlyq — anamnyń aq sútimen boıyma sińgen qasıet. Anam óte ónerli jan edi. Alǵash sahnaǵa shyqqanymda sahna kıimderimdi tigip bergen. Ónerge, bilimge baýlydy. Ákemniń orny joqtyǵyn bildirmeı, 1979 jyly Aıagózden Almatyǵa alyp kelip, bilim alýyma sep boldy. A. Jubanov atyndaǵy Respýblıkalyq mýzyka mektebine ornalastyryp, mýzyka jaǵynan saýatymdy ashyp, konservatorııa, odan keıin aspırantýrada bilim alýyma sebep boldy. Búginde kandıdattyq dıssertatsııamdy qorǵap, professor atandym, shákirt tárbıelep otyrmyn — bári de anamnyń arqasynda, — dep eske aldy ánshi.

Aıta keteıik, Tolqyn Zabırova — qazaq estradasyna operalyq mýzykany ákelgen tuńǵysh ánshiniń biri. Qazaqstannyń eńbek sińirgen qaıratkeri. Ónertaný ǵylymdarynyń kandıdaty. Qazaq ulttyq óner akademııasynyń professory.

Buǵan deıin estrada jáne opera ánshisiniń Astana jáne Almaty qalasynda shyǵarmashylyq keshin beretini týraly jazǵan edik.