Ákem elge ózi keldi - Serik Kúdebaevtyń uly oqıǵaǵa qatysty aqparat berdi
«Ákem elge óz erkimen keldi. Menen keıingi inime qońyraý shalyp, elge óz erkimen kele jatqanyn aıtqan. Ákemdi kórmegenime de 2 aıdan asa ýaqyt boldy. Taǵylǵan aıyppen kelispeımin. Sebebi, halqyna oq atqan joq», - dedi Serik Kúdebaevtyń uly Arman Myrzaqulov.
Dál qazir Taldyqorǵanda Serik Kúdebaevqa qatysty sot otyrysy bolady dep kútilýde. Biraq, jýrnalısterdiń protsesti kútip otyrǵanyna 2 saǵattan asa ýaqyt ótti, áli bastalmady.
Eske salaıyq, Taldyqorǵandaǵy Jetisý oblystyq sotynda Serik Kúdebaevqa qatysty sot 2023 jyldyń 5-qańtarda bastaldy.
Buǵan deıin Serik Kúdebaevtyń aýrýhanaǵa túskeni týraly jazǵan edik.
Aıta keteıik, prokýror sýdıadan Serik Kúdebaevqa 9 jyl bas bostandyǵynan aıyrý jazasyn taǵaıyndaýdy suraǵan bolatyn.
Almaty oblysy polıtsııa departamentiniń burynǵy bastyǵy Serik Kúdebaevtyń soty qańtar aıynda bastalǵan.
Buǵan deıin Almaty oblystyq polıtsııa departamentiniń burynǵy basshysy Serik Kúdebaev qańtar oqıǵasy boıynsha kúdikti dep tanylǵan edi.
Ol 2020 jyldan bastap 2022 jyldyń qańtaryna deıin Almaty oblysy polıtsııa departamentiniń bastyǵy qyzmetin atqarǵan.
2022 jyldyń 18 aqpanynda ol ishki ister organdarynan óz erkimen bosatyldy.
Sottalýshynyń protseske kelmegenine baılanysty Serik Kúdebaevty sotqa májbúrli túrde jetkizý jóninde qaýly shyqty.
Artynsha generaldyń elden qashyp ketkeni belgili bolyp, oǵan halyqaralyq izdeý jarııalap jarııalandy. Al 27 sáýir kúni Kúdebaevtyń ustalǵany jónindegi aqparatty Bas prokýratýra rastady.
