Ákem dúnıege kelgen Pavlodarda chempıon atanǵanyma qýandym - boksshy Júsipov
ASTANA. QazAqparat - Búgin Pavlodarda ótip jatqan bokstan el chempıonatynda 69 kelidegi respýblıka chempıonynyń esimi belgili boldy, dep habarlaıdy QazAqparat.
69 kelide astanalyq Qanaǵat Maralov pen qaraǵandylyq Abylaıhan Júsipov judyryqtasty. Úsh raýnd boıy qarsylastar bir-biriniń osal tusyn tabýǵa tyrysty. Olımpıada oıyndaryna qatysyp, talaı halyqaralyq jarystarda baq synaǵan Júsipovke Maralov laıyqty deńgeıde qarsylyq tanytty. Degenmen, tóreshilerdiń biraýyzdan shyǵarǵan sheshimimen jeńis Júsipovke berildi.
Qazaqstan birinshiliginde jeńiske jetkenime qýanyshtymyn. Iá, qarsylasym myqty boldy. Ákemniń týǵan qalasy Pavlodarda chempıon atanǵanyma qatty qýanyp turmyn. Bul jańa salmaǵymdy jaqsy sezine aldym. Salmaq qýmaı kúshimdi saqtap, jeńiske jettim», - dedi Júsipov kezdesýden keıin.
Aıta keteıik, buǵan deıin 49 kelide Temirtas Júsipov, 52 kelide Azamat Isaqulov, 56 kelide Qaırat Eralıev, 60 kelide Ádilet Qurmetov, 64 kelide Bekdáýlet Ibragımov chempıondyq ataqqa qol jetkizgen bolatyn.
Foto: Danııara Maılybaeva
