Ákelerdiń 70 paıyzy alıment tólemeıdi – Lázzat Qojahmetova

NUR-SULTAN. QazAqparat – Qoǵamda áıel adamnyń rólin kóterý kerek. Bul týraly búgin Ulttyq qoǵamdyq senim keńesiniń tórtinshi otyrysynda keńes múshesi Lázzat Qojahmetova málim etti, dep habarlaıdy QazAqparat tilshisi.

«Qoǵamda otbasy ınstıtýtynyń tómendegeni jasyryn emes. Ajyrasýlar kóp, sonyń ishinde ákelerdiń 70 paıyzy alıment tólemeıdi eken. Alıment óndirý zańynyń qatańdatylýyn qalaımyz. Ajyrasqan er azamattardyń jaýapkershiligi tómendegen. Sonymen qatar, áıel adamdar medıada zorlyq-zombylyqtyń qurbandary retin elimizde kóp nasıhattalady. Ózderin qorǵansyz sezinýde. Soǵan baılanysty qoǵamda áıel adamnyń rólin kóterýge usynys jasaımyz», - dedi L. Qojahmetova.

Osy oraıda, ol memlekettik basqarý isinde, kvazımemlekettik sektorda, ulttyq kompanııalarda jetekshi laýazymda isteıtin áıelder óte az ekenin aıtty.

«Eger áıel adam tulǵa retinde qalyptasatyn bolsa, bul balanyń keleshegine, otbasynyń nyǵaıýyna jáne qoǵamnyń damýyna óte úlken serpin ákeletini sózsiz», - dedi keńes múshesi.