Áke jolyn jalǵaǵan metallýrg «Qazaqstannyń Eńbek Eri» atandy
ASTANA. KAZINFORM — Memleket basshysy Qasym-Jomart Toqaev Respýblıka kúnine arnalǵan saltanatty jıynda sóz sóılep, Qazaqstannyń tsıfrlyq damýyndaǵy jetistikterdi atady, dep habarlaıdy Aqordanyń baspasóz qyzmeti.
— Qazir ortamyzda otyrǵan azamattardyń boıynda osy qundy qasıetterdiń bar ekeni anyq. Solardyń biri «Eńbek Dańqy» nagradasynyń tolyq kavaleri — Ábdirashıt Qoıshybekuly Dospanov. Ol áke izin basyp, 40 jyldan astam ýaqyt metallýrgııa salasynda abyroıly jumys istep kele jatyr. Kásibı sheberligi men eńbekke adaldyǵynyń arqasynda zor tabysqa jetip, elimizdi órkendetýge mol úles qosyp júr. Búginde jas mamandarǵa baǵyt-baǵdar berip, olarǵa ómirlik kásibiniń qyr-syryn úıretýde. Men búgin Ábdirashıt Qoıshybekuly Dospanovqa «Qazaqstannyń Eńbek Eri» ataǵyn berý týraly sheshim qabyldadym, — dedi Qasym-Jomart Toqaev.
