«Áke» serıaly Qytaıda kórsetiletin boldy

ASTANA. QazAqparat - Qazaqstanda túsirilgen «Áke» serıaly Qytaıda kórsetiledi. Bul jaıynda búgin elordada ótken «Tumar» birinshi ulttyq televızııalyq baıqaýy jeńimpazdaryn marapattaý rásiminde belgili boldy, dep habarlaıdy QazAqparat.

Aıta keterligi, televızııalyq baıqaýdyń «Eń úzdik televızııalyq telehıkaıa» atalymynda «Qazaqstan» telearnasynyń «Áke» serıaly úzdik dep tanylǵan bolatyn. Serıal túsirýshileriniń aıtýyna qaraǵanda, týyndyda basty róldi somdaǵan Azat Seıitmetov Seýlde ótken halyqaralyq kınofestıvalde jyl akteri dep tanylǵan.
 

Aıta keterligi, búgin «Tumar» birinshi televızııalyq baıqaýynyń 12 atalymy boıynsha jeńimpazdar anyqtaldy. Olardyń qatarynda «Qazaqstan», «Habar», «31 arna» syndy telearnalardyń shyǵarmashylyq ujymdary bar.