Áke bolý er adamdardyń syrtqy kelbetine qalaı áser etedi?
ASTANA. QazAqparat - Ǵalymdar áke bolý er adamdardyń syrtqy kelbetine qalaı áser etetinin anyqtady.
Illınoıste (AQSh) Soltústik-Batys ýnıversıtetiniń ǵalymdary osy qorytyndyǵa kelmes buryn 10 myń er adamnyń qatysýymen 20 jylǵa sozylǵan zertteý júrgizdi. Otbasynda birinshi bala paıda bolǵannan soń er adamdar keminde 2 keli salmaq qosqan. Balalary joq er adamdar symbatty bola túsip, ortasha 0,6 keli salmaq tastaǵan, - dep habarlady Business Insider.
Budan basqa, áke bolǵan er adamdardyń salmaǵyn baqylaǵan zertteý avtorlary balasynan bólek turatyn er adamdar da salmaq qosqanyn, alaıda bul balasymen birge turatyndarǵa qaraǵanda, sál azdaý bolǵanyn anyqtady.
Sarapshylar muny bala paıda bolǵan soń er adamnyń durys tamaqtanýyna jáne sportpen shuǵyldanýyna ýaqyt bóle almaýymen túsindiredi. Sonyń saldarynan dene salmaǵy artqan.
