«Aktsızdeletin taýarlardyń jekelegen túrlerin esepke alý-baqylaý tańbalarymen jáne aktsızdik tańbalarmen tańbalaý (qaıta tańbalaý) týraly» QR Úkimetiniń qaýlysyna ózgertýler engizildi

QazAqparat qujattyń mátinin taratady.

Qazaqstan Respýblıkasy Úkimetiniń qaýlysy

Astana, Úkimet úıi, 2012 jyl, 16 qańtar, №62

 «Aktsızdeletin taýarlardyń jekelegen túrlerin esepke alý-baqylaý tańbalarymen jáne aktsızdik tańbalarmen tańbalaý (qaıta tańbalaý) týraly» Qazaqstan Respýblıkasy Úkimetiniń 2008 jylǵy 31 jeltoqsandaǵy № 1349 qaýlysyna ózgerister engizý týraly

Qazaqstan Respýblıkasynyń Úkimeti qaýly etedi:

1. «Aktsızdeletin taýarlardyń jekelegen túrlerin esepke alý-baqylaý tańbalarymen jáne aktsızdik tańbalarmen tańbalaý (qaıta tańbalaý) týraly» Qazaqstan Respýblıkasy Úkimetiniń 2008 jylǵy 31 jeltoqsandaǵy № 1349 qaýlysyna (Qazaqstan Respýblıkasynyń PÚAJ-y, 2008 j., № 49, 560-qujat) mynadaı ózgerister engizilsin:
kórsetilgen qaýlymen bekitilgen Sharap materıaly men syrany qospaǵanda, alkogol ónimin esepke alý-baqylaý tańbalarymen jáne temeki buıymdaryn aktsızdik tańbalarmen tańbalaý (qaıta tańbalaý) erejesinde:
9-tarmaqtyń 2) jáne 5) tarmaqshalary mynadaı redaktsııada jazylsyn:
«2) bajsyz saýda kedendik rásimine ornalastyrýǵa arnalǵan Qazaqstan Respýblıkasynyń aýmaǵyna bajsyz saýda dúkenderiniń ıeleri ákeletin;»;
«5) 3 lıtrden aspaıtyn shekte Qazaqstan Respýblıkasynyń aýmaǵyna on segiz jasqa tolǵan jeke tulǵa ákeletin (jiberetin) alkogol ónimderi men syra esepke alý-baqylaý tańbalarymen, sondaı-aq 200 sıgaret nemese 50 sıgaradan (sıgarılladan) aspaıtyn temeki men temeki buıymdary nemese 250 gramnan aspaıtyn shektegi temeki ne jalpy salmaǵy 250 gramnan aspaıtyn kórsetilgen buıymdardyń assortımenti aktsızdik tańbalarymen mindetti túrde tańbalanýǵa jatpaıdy.».

2. Osy qaýly 2011 jylǵy 1 shildeden bastap qoldanysqa engiziledi jáne resmı jarııalanýǵa tıis.

Qazaqstan Respýblıkasynyń  Premer-Mınıstri  K.MÁSІMOV