Aktsııaǵa aldanǵan astanalyq Technodom-nan ótemaqy óndirip aldy
ASTANA. QazAqparat - Astana qalasy Almaty aýdandyq sotynda «TechnodomOperator» AQ qatysty ákimshilik is qaraldy, dep habarlaıdy QazAqparat tilshisi.
Sot materıaldaryna sáıkes, ótken jyly qyrkúıek aıynda «TechnodomOperator» AQ «Túngi jeńildikter» aktsııasyn jarııalaǵan bolatyn. Sol kezde bir er adam óz qyzynyń týǵan kúnine syılyq jasaımyn dep, AppleIPhone 7 uıaly telefonyna ınternet arqyly tapsyrys bergen.
«Technodom» saıtynda atalǵan qurylǵynyń baǵasy 219 990 teńge bolyp turǵan. Dúkende menedjer tapsyrystyń nómirin salystyryp, esep-qısap qaǵazdaryn da jazyp berdi. Alaıda satyp alýshy óz taýaryn ala almady. Ákimshilik saıtta kórsetilgen aqparattyń tehnıkalyq aqaýlyqtan durys kórsetilmegenin jetkizdi. Al AppleIPhone 7-niń baǵasy 339 990 teńge bolyp shyqty. Osydan keıin er adam basqa telefondy alýǵa májbúr boldy.
«Astana qalasy Almaty aýdandyq soty aryz berýshiniń talaptaryn jartylaı qanaǵattandyryp, «TechnodomOperator» AQ-dan 50 000 teńge kólemindegi moraldyq shyǵyndy óndirip aldy. Sot sheshimi zańdy kúshine endi», - delingen sottyń resmı habarlamasynda.
