Aqbota Kerimbekova kelesi jyly jeke shyǵarmashylyq kontsertin ótkizbek

ASTANA. KAZINFORM – Qazaq estradasynyń tanymal ánshisi Aqbota Kerimbekova aldaǵy jyly jeke shyǵarmashylyq kesh uıymdastyrýdy josparlap otyrǵanyn aıtty.

– Kelesi jyly Allanyń qalaýymen jasym 50-ge tolady. Óner adamdary mereıli jasqa jetkende halyqqa esep berý maqsatymen shyǵarmashylyq kesh jasaıdy. Meniń de armanym – el aralap, halyqtyń alǵysyn alý, – dedi Aqbota Kerimbekova.

Ánshiniń sózinshe, Astanaǵa kóshýi de shyǵarmashylyqqa jańa tynys berý úshin jasalǵan qadam.

– Elordaǵa arnaıy shyǵarmashylyqpen aınalysý úshin keldim. Arman qoısań, maqsat qoısań, barlyǵy múmkin. Men úshin múmkin emes nárse joq, – dedi ánshi ol Jibek Joly telearnasyndaǵy «Bugin Live» baǵdarlamasynda.

Aqbota Kerimbekova sońǵy jyldary túrli avtorlarmen shyǵarmashylyq seriktestik ornatyp, buryn jazylǵan ánderdi jańǵyrtyp, kontserttik baǵdarlamada qaıta usynǵanyn aıtty. Onyń ishinde Indıra Elýbaevamen oryndaǵan «Múmkin emes» áni de bar.

Sondaı-aq ánshi Silk Way Star megajobasyna qatysty pikir bildirip, mundaı halyqaralyq alańdardyń mádenı almasýǵa serpin beretinin atap ótti.

Aıta keteıik, buǵan deıin ánshi ALEM eksklıýzıv suhbat bergen edi.

Kamıla Múlik