Aqbota Kerimbekova men Qazbek Qasym «Eki juldyz» teledýmany úshinshi maýsymynyń jeńimpazdary atandy
ALMATY. 27 jeltoqsan. QazAqparat /Názıra Eleýhan/- Almatyda ótken demalys kúni «Eki juldyz» teledýmanynyń úshinshi maýsymynyń aqtyq baıqaýy ótti. Qazylar alqasy men kórermenderdiń bergen daýystarynyń nátıjesi boıynsha, kórermenniń kózaıymyna aınalǵan baǵdarlamanyń jeńimpazdary bolyp Aqbota Kerimbekova men Qazbek Qasym tanyldy.
Jeńimpazdardy quttyqtaý rásimde sóz sóılegen "Qazaqstan" telearnasynyń Basqarma tóraǵasy Janaı Omarov: «Aqtyq synǵa shyqqan bes jup - jeńimpaz dep atalýǵa ábden laıyq. Biraq ta, saıystyń aty saıys», -dedi. Onyń aıtýynsha, bul maýsymnyń ereksheligi - jas oryndaýshylarǵa nazar aýdarylýynda bolǵan.
Janaı Omarov sonymen qatar, ««Eki juldyz» jobasynyń eń úlken, eń mańyzdy nátıjesi halyqtyń kóńilinen shyǵyp, halyqtyq saýyq-dýmanǵa aınalǵandyǵy ekendigin atap ótti. «Halyq bizderge rıza bolsa, budan joǵary eshqandaı baǵa joq dep oılaımyn. Sizderdiń usynystaryńyzben bul joba kelesi jyly da jalǵasyn tabatyn bolady. Sondyqtan biz sizderge «qosh» dep aıtpaımyz. Kóktemde ótetin «Gala» maýsymynda júzdeskenshe deımiz», - dedi ol.
Óz kezeginde jeńimpazdar halyqqa daýys berip, qoldaǵandaryna alǵystaryn bildirdi.
Teledýmanǵa qatysqan juptar arnaıy dıplomdarmen, baǵaly syılyqtarmen marapattaldy.
