Aqbóken óltirgen qostanaılyqtarǵa 1,3 teńge aıyppul salyndy
QOSTANAI. QazAqparat - Aqmola oblystyq aýmaqtyq ınspektsııasy janýarlar dúnıesi jáne orman sharýashylyǵyna zalal keltirilgen eki qostanaılyqty ustady, dep habarlaıdy «Qazaqparat» HAA Qostanaı oblystyq sotynyń baspasóz qyzmetine silteme jasap.
Azamattyq is Aqmola oblystyq orman sharýashylyǵy jáne janýarlar dúnıesi aýmaqtyq ınspektsııasynyń talap-aryzy boıynsha Arqalyq qalalyq sotynda qaraldy. Іs materıaldaryna súıensek, QR azamattary A. jáne V. jeke kólikpen aqbókendi soǵyp óltirgen.
«Sot otyrysynda ekeýi de taǵylǵan aıypty tolyqtaı moıyndady. Azamat A. Zańsyz ań aýlaýǵa shyqpaǵandaryn aıtyp aqtaldy. Alaıda, olar óltirgen aqbókenniń etin bólip alǵylary kelgenderin rastady. Shyǵyn kólemi «Janýarlar dúnıesin qorǵaý, ósimin molaıtý jáne paıdalaný týraly» QR Zańyna súıenip esepteldi»,- delingen oblystyq sottyń habarlamasynda.
Osylaısha, sot úkimimen jaýapkerlerden memleket tarapyna 1 361 400 teńge qarajat tárkilendi.
Sot úkimi zańdy kúshine engen joq.
