Aqbóken múıizin satýǵa qarsy naýqanǵa eriktiler shaqyryldy
«Kún saıyn ártúrli saıtta aqbókenniń múıizi men basqa da jabaıy ańdardy, sondaı-aq olardan terisinen jasalǵan ónimderdi satý-satyp alý týraly habarlandyrý paıda bolady. Mundaı saýda janýarlar álemine degen suranysty týdyryp, aqyry brakonerlik pen zańsyz aınalymnyń ósýine tikeleı áser etedi», - delingen QBSQ habarlamasynda.
QBSQ 2012 jyldan beri kıikterliń múıizin satýǵa qarsy aqparattyq naýqandy júrgizip kele jatyr. Osy ýaqytqa deıin jaýapty qyzmetkerler men eriktilerdiń kúsh-jigeriniń arqasynda mundaı saýdaǵa qatysty myńdaǵan áreketke tosqaýyl qoıylyp, saıt ákimshiligine «aqbóken» jáne «aqbóken múıizi» degen kilt sózderdi paıdalanýǵa tyıym salý týraly kelisimge qol jetkizilgen. Alaıda zańsyz satyp alýshylar men satýshylar ınternette ashyq saýdanyń jańa tásilderin izdeýin jalǵastyrýda.
«Ótken jyldan bastap biz túrli jabaıy ańdar men olardan jasalǵan ónimder jaıly ınternette taraǵan aqparattardy jınaı bastadyq. Osy jumys arqyly mundaı jarnamaǵa tyıym salý týraly máseleni kóteremiz. Bizdiń zertteýlerimizdi múmkindiginshe senimdi ári ashyq etý úshin bizge eriktiler qajet», - dep habarlaıdy QBSQ-dan.
Eriktilerdiń jobaǵa qatysý múmkindigi týraly tolyǵyraq aqparatty +7 778 169 4828 nómirinen bilýge bolady.
Fotografıı Farızy Adılbekovoı